Home > NEWS > கலப்பட பொருட்கள் குறித்து உரிய அதிகாரிகளிடம் புகார் தெரிவியுங்கள்: காவல்துறை அதிகாரி வேண்டுகோள்

கலப்பட பொருட்கள் குறித்து உரிய அதிகாரிகளிடம் புகார் தெரிவியுங்கள்: காவல்துறை அதிகாரி வேண்டுகோள்

28,January, 2016

கலப்பட பொருட்கள் குறித்து உரிய அதிகாரிகளிடம் புகார் தெரி விக்க வேண்டும் என்று மயிலாப் பூர் காவல் துணை ஆணையர் வி. பாலகிருஷ்ணன் கூறியுள்ளார்.

சென்னை புதுக்கல்லூரி குடிமக் கள் நுகர்வோர் மன்றமும் தமிழக அரசு உணவுப் பொருள் வழங்கல் மற்றும் நுகர்வோர் பாதுகாப்பு துறையும் இணைந்து தேசிய நுகர்வோர் தின விழாவை நேற்று கொண்டாடினர். இந்நிகழ்ச்சியில் மயிலாப்பூர் காவல் துணை ஆணையர் வி.பாலகிருஷ்ணன் பேசியதாவது:

நாம் பயன்படுத்தும் பெரும் பாலான உணவுப் பொருட்களில் கலப்படம் செய்யப்படுகிறது. கலப்படம் காரணமாக பல்வேறு உடல் உபாதைகள், நோய்கள் ஏற்படுகின்றன. ஆகவே உணவுப் பொருட்களில் கலப்படம் செய்யப் பட்டிருப்பதை அறிந்துக்கொள் வது குறித்து நம் அனைவருக்கும் விழிப்புணர்வு தேவை.

உடலுக்கு தீங்கு விளைவிக்கும் கலப்பட உணவுகள் குறித்து அறிந்து கொண்டு அவற்றை தவிர்க்கவேண்டும். கலப்பட பொருட்கள் விற்பனை பற்றிய தகவல் தெரிந்தால் உணவுப் பாதுகாப்புத் துறைக்கு புகார் செய்து நடவடிக்கை எடுக்க உதவ வேண்டும்.

இவ்வாறு அவர் பேசினார்.

உணவுப் பொருள் வழங்கல் மற்றும் நுகர்வோர் பாதுகாப்பு துறை துணை ஆணையர்(தெற்கு) எல்.சிங்காரம், உணவு வழங்கல் மற்றும் நுகர்வோர் பாதுகாப்புத் துறை கண்காணிப்பாளர் ஜெ.விஜய திலகம், கல்லூரி முதல்வர் எஸ்.அப்துல் மாலிக் உள்ளிட்ட பலர் இந்நிகழ்ச்சியில் கலந்துகொண்டனர். நிகழ்ச்சி களை கல்லூரி பேராசிரியர் சுலைமான் ஒருங்கிணைத்தார்.

இந்த நிகழ்ச்சியை ஒட்டி கண்காட்சி, விழிப்புணர்வு ஓவியப் போட்டி, வினாடி-வினா, நாடகப் போட்டிகள் நடைபெற்றன. இதில் சென்னையிலிருந்து பல்வேறு கல்லூரி, பள்ளிகளைச் சேர்ந்த மாணவ, மாணவிகள் கலந்துக் கொண்டனர்.

Categories: NEWS
%d bloggers like this: