Home > DISTRICT-NEWS, Thanjavur > தஞ்சையில் பிளாஸ்டிக் அரிசி புகார் உணவு பாதுகாப்பு துறையினர் அரிசி கடைகளில் அதிரடி ஆய்வு

தஞ்சையில் பிளாஸ்டிக் அரிசி புகார் உணவு பாதுகாப்பு துறையினர் அரிசி கடைகளில் அதிரடி ஆய்வு

9,June, 2017

தஞ்சை: பிளாஸ்டிக் அரிசி புகார் எழுந்துள்ளதை தொடர்ந்து உணவு பாதுகாப்புத் துறையினர் நேற்று தஞ்சையில் அதிரடி ஆய்வு நடத்தினர்.
உத்திரகாண்ட் மாநிலத்தில் பிளாஸ்டிக் அரிசி விற்கப்படுவதாக கண்டறியப்பட்டது. இதனால் நாடு முழுவதும் பரபரப்பு ஏற்பட்டுள்ளது. எனவே தமிழகத்தில் உள்ள அரிசி கடைகளிலும் சோதனை நடத்தப்பட்டு வருகிறது. இதன்படி தஞ்சையில் உள்ள அரிசி கடைகளில் மாவட்ட உணவு பாதுகாப்பு மற்றும் மருந்து நிர்வாகத்துறை நியமன அலுவலர் டாக்டர் ரமேஷ்பாபு தலைமையில் உணவு பாதுகாப்பு அலுவலர்கள் சந்திரமோகன், ராஜ்குமார், கிருஷ்ணமூர்த்தி, விஜயகுமார், வடிவேல், பாண்டி, உமாகேசன் ஆகியோர் கொண்ட குழுவினர் கடைகளில் திடீரென ஆய்வு நடத்தினர். இது குறித்து மாவட்ட நியமன அலுவலர் டாக்டர் ரமேஷ்பாபு கூறியதாவது: மாவட்டத்தில் உள்ள அனைத்து அரிசி கடைகளிலும் அரிசி ஆலைகளிலும் பிளாஸ்டிக் அரிசி விற்கப்படுகிறதா என்று ஆய்வு மேற்கொள்ளப்பட்டது. பிளாஸ்டிக் அரிசி விற்பனை செய்வது கண்டுபிடிக்கப்பட்டால் கடை உரிமையாளர் மற்றும் விற்பனையாளர் மீது உணவுபாதுகாப்பு மற்றும் தரங்கள் சட்ட விதிகளின் படி உரிய நடவடிக்கை எடுக்கப்படும். பிளாஸ்டிக் அரிசி கண்டுபிடிக்கப்பட்டால் பொதுமக்கள் 04362&276511 என்ற போன் எண்ணில் தெரிவிக்கலாம் என்றார்.

Categories: DISTRICT-NEWS, Thanjavur
%d bloggers like this: