Home > DISTRICT-NEWS, Thiruvallur > தரமற்ற உணவு நடவடிக்கை எப்போது?

தரமற்ற உணவு நடவடிக்கை எப்போது?

5,July, 2017

சென்னை;சென்னை மாநகர போக்குவரத்து கழக பணிமனை உணவகங்களில் வழங்கப்படும் தரமற்ற உணவு குறித்து அனுப்பப்பட்ட புகாருக்கு, உணவு பாதுகாப்பு துறை நடவடிக்கை எடுக்கவில்லை என, புகார் எழுந்துள்ளது.சென்னை, திருவள்ளூர், காஞ்சிபுரம் மாவட்ட எல்லைகளில், சென்னை மாநகர போக்குவரத்து கழக பணிமனைகள் அமைந்துள்ளன. அவை, மாநகர், புறநகர் பேருந்து சேவையை வழங்கி வருகின்றன.ஓட்டுனர், நடத்துனர், தொழில்நுட்ப பணியாளர்கள், மதிய உணவை, அங்காங்கு உள்ள போக்குவரத்து கழக பணிமனை உணவகங்களில் உண்கின்றனர். ஆனால், உணவின் தரம், உணவு சமைக்குமிடம் ஆகியவை சுகாதாரமற்ற நிலையில் உள்ளதாகவும், அங்கு சாப்பிட்டோர், வயிற்று வலி, வயிற்றுப் போக்கு உள்ளிட்ட பிரச்னைகளால் பாதிக்கப்படுகின்றனர்.இதுகுறித்து, நேதாஜி தொழில் சங்க துணை தலைவர் அன்பழகன் கூறியதாவது:சென்னை, திருவள்ளூர், காஞ்சிபுரம் மாவட்டங்களில் உள்ள, மாநகர போக்குவரத்து கழக பணிமனை உணவகங்களில் வழங்கப்படும் தரமற்ற உணவு குறித்த புகாரை, உணவு பாதுகாப்பு அதிகாரிகளுக்கு, மே 23ம் தேதி அனுப்பி வைத்தேன். ஜூன் மாதம், காஞ்சிபுரம், சென்னை மாவட்டங்களின் பணிமனை கேன்டீன்களில் ஆய்வு நடத்தியதாகவும், விரைவில் நடவடிக்கை எடுப்பதாகவும், உணவு பாதுகாப்பு அதிகாரிகள் தெரிவித்தனர். ஆனால், திருவள்ளூர் மாவட்ட உணவு பாதுகாப்பு அதிகாரிகள், இதுவரை எந்த தகவலையும் அளிக்க வில்லை. சென்னை, காஞ்சிபுரம் மாவட்டத்திலும், எந்த நடவடிக்கையும் எடுக்கப்படவில்லை.இவ்வாறு அவர் தெரிவித்தார்.

Categories: DISTRICT-NEWS, Thiruvallur
%d bloggers like this: