Home > DISTRICT-NEWS, Thoothukudi > தூத்துக்குடி மாவட்டத்தில் போலி உப்பு தொழிற்சாலையை கண்டறிந்து கடும் நடவடிக்கை எடுக்க வேண்டும் கலெக்டர் உத்தரவு

தூத்துக்குடி மாவட்டத்தில் போலி உப்பு தொழிற்சாலையை கண்டறிந்து கடும் நடவடிக்கை எடுக்க வேண்டும் கலெக்டர் உத்தரவு

தூத்துக்குடி,

தூத்துக்குடி மாவட்டத்தில் போலி உப்பு தொழிற்சாலைகளை கண்டறிந்து கடும் நடவடிக்கை எடுக்க வேண்டும் என்று அதிகாரிகளுக்கு, கலெக்டர் வெங்கடேஷ் உத்தரவிட்டு உள்ளார்.

ஆலோசனை கூட்டம்

தூத்துக்குடி மாவட்டத்தில் உணவு பாதுகாப்பு குறித்த ஆலோசனை கூட்டம் மாவட்ட கலெக்டர் அலுவலகத்தில் நடந்தது. மாவட்ட கலெக்டர் வெங்கடேஷ் தலைமை தாங்கினார். உணவு பொருள் பாதுகாப்பு நியமன அலுவலர் தங்கவிக்னேஷ் முன்னிலை வகித்தார்.

கூட்டத்தில் கலெக்டர் வெங்கடேஷ் பேசியதாவது:–

தூத்துக்குடி மாவட்டத்தில் பொதுமக்களுக்கு தரமான உணவு வழங்குவதற்கு வியாபாரிகள் உணவு பாதுகாப்பு சட்டத்தின் கீழ் உள்ள விதிமுறைகளை முறையாக பின்பற்றவேண்டும். மாநகராட்சி, நகராட்சி, பேரூராட்சிகளில் உள்ள சிறு கடைகள், சாலையோர சிற்றுண்டி கடைகள், பல்பொருள் அங்காடிகள் மற்றும் உணவு பொருள் உற்பத்தி நிறுவனங்கள் முறையாக பதிவு செய்து இருக்க வேண்டும். உரிமங்கள் காலாவதியாகாமல் நடப்பில் இருக்க வேண்டும். அனைத்து நிறுவனங்களும் தாமாகவே முன்வந்து பதிவு செய்தல், புதுப்பித்தல் ஆகியவற்றை மேற்கொள்ள வேண்டும். 40 மில்லி மைக்ரானுக்கு கீழ் உள்ள பிளாஸ்டிக் பைகளை தடை செய்ய வேண்டும்.

போலி தொழிற்சாலை

மாவட்டம் முழுவதும் உணவுக்கான உப்பில் குறிப்பிட்ட அளவில் அயோடின் கலந்து இருக்க வேண்டும். போலி உப்பு தொழிற்சாலைகளை கண்டறிந்து கடுமையான நடவடிக்கை எடுக்க வேண்டும். பான்மசாலா, குட்கா, புகையிலை பொருட்கள் ஆகியவை விற்பனை செய்யக்கூடாது. மீறி விற்பனை செய்தால் அந்த பொருட்கள் அனைத்தும் பறிமுதல் செய்யப்படும். சேமிப்பு கிட்டங்கிகளில் பதுக்கி வைத்திருக்கும் புகையிலை பொருட்கள் கண்டறிந்தால் அவற்றின் மீது கடுமையான நடவடிக்கை எடுக்கப்படுவதோடு அவர்களிடம் அபராதமும் வசூலிக்கப்படும். இவற்றை அதிகாரிகள் கண்காணித்து நடவடிக்கை எடுக்க வேண்டும்.

இவ்வாறு அவர் கூறினார். கூட்டத்தில் துறை அலுவலர்கள் கலந்து கொண்டனர்.

Categories: DISTRICT-NEWS, Thoothukudi
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: