Home > DISTRICT-NEWS, Thanjavur > பேராவூரணியில் இன்று பால் பரிசோதனை முகாம்

பேராவூரணியில் இன்று பால் பரிசோதனை முகாம்

7,October, 2017

பேராவூரணி பேரூராட்சி அலுவலக வளாகத்தில் சனிக்கிழமை (அக். 7) காலை 8 மணி முதல் மதியம் 2 மணி வரை இலவச பால் பரிசோதனை முகாம் நடைபெறவுள்ளது.
உணவு பாதுகாப்புத் துறை மற்றும் மருந்து நிர்வாகத் துறை ஆணையர்,  தஞ்சை மாவட்ட ஆட்சியர் ஆகியோர்  அறிவுறுத்தலின்படி இந்த முகாம் நடைபெறுகிறது.
பொதுமக்கள் தங்கள் வீடுகளில் உபயோகப்படுத்தப்படும் பால் தரமானதா? அல்லது கலப்படமானதா? என முகாமில் கருவி மூலம் பரிசோதனை செய்து,  முடிவை அன்றைய நாளிலேயே பெற்று கொள்ளலாம்.
முகாமிற்கு 300 மி.லி. அளவிலான பாலை கொண்டு வரவேண்டும். முகாமில் உணவு பாதுகாப்புத்துறை மற்றும் மருந்து நிர்வாகத்துறை மாவட்ட நியமன அலுவலர் ரமேஷ்பாபு மற்றும் வட்டார உணவு பாதுகாப்பு அலுவலர் மகாதேவன் ஆகியோர் கலந்து கொள்கின்றனர்.

Categories: DISTRICT-NEWS, Thanjavur
%d bloggers like this: