Home > DISTRICT-NEWS, Tiruppur > உணவு தரத்துக்கு உத்தரவாதம் இல்லை!

உணவு தரத்துக்கு உத்தரவாதம் இல்லை!

3,September, 2018

ஓட்டல், சிற்றுண்டி கடைகளில், சுகாதாரம் இல்லாத உணவுகள் விற்கப்படுவது, வாடிக்கையாளர்களை அதிருப்தியடைய செய்திருக்கிறது. பின்னலாடை தொழில் நகரான திருப்பூரில், தினசரி, ஆயிரக்கணக்கான மக்கள் வந்து செல்கின்றனர். உள்ளூர் மக்கள் மட்டுமன்றி, வர்த்தகம் சார்ந்து, வெளியூரில் இருந்தும் ஏராளமானோர் வந்து செல்கின்றனர்.இதனால், நகரில் உள்ள ஓட்டல், சிற்றுண்டி கடைகளில், மக்கள் கூட்டம் அதி கமாக இருக்கும். ஆனால், பல ஓட்டல்களில் சுத்தம், சுகாதாரம் இல்லை என, பொதுமக்கள் புலம்புகின்ற னர். குறிப்பாக, ரோட்டோரம் உள்ள சிற்றுண்டிக் கடைகளின் சுற்றுப்புறம், சுத்தமாக இல்லை, என்பது மக்களின் பிரதான குற்றச்சாட்டு.இதுதான் விதி!உணவு பாதுகாப்புத்துறையின் தர நிர்ணய சட்டம், 2006ன் கீழ் உள்ள, குறிப்பிட்ட, 12 விதிகளுக்குட்பட்டே உரிமம் வழங்கப்படுகிறது. அதன்படி, ஓட்டல் உரிமையாளர்கள், தங்களிடம் பணிபுரியும் ஊழியர்களுக்கு, ஆண்டுக்கொரு முறை, கண்டிப்பாக மருத்துவ பரிசோதனை செய்ய வேண்டும். நோயால் பாதிக்கப்பட்டவர்கள், தொற்று நோய், வெட்டுக்காயம் உள்ளவர்களை உணவு தயாரிப்பு தொடர்பான பணிகளில் ஈடுபடுத்தக் கூடாது.உணவு தயாரிக்க, சுத்தமான பாத்திரத்தை பயன் படுத்த வேண்டும். கீற்றுக் கொட்டகை மற்றும் பிற உயிரினம் வசிக்கும் நிலையில், சமையல் கூடம் இருக்கக்கூடாது என்பது உட்பட விதிகள் உள்ளன. ஆனால், திருப்பூர், சுற்றுப்புற பகுதிகளில், பல ஓட்டல், சிற்றுண்டிக் கடைகளில், இவ்விதி கடைபிடிக்கப்படுவது இல்லை.சுகாதாரம் இல்லைபல ஓட்டல்களில், சுகாதாரம் பேணுவதில்லை; ஊழியர்களுக்கு மருத்துவ பரிசோதனை செய்யப்படு வதும் இல்லை. உரிமம் பெறாத, விதிமீறும் ஓட் டல், சிற்றுண்டிக் கடைகள் மீது, நடவடிக்கை எடுக்க, உணவு பாதுகாப்பு சட்டம் வழிவகை செய்துள்ள போதிலும், அதைப்பற்றி அதிகாரிகள் கண்டுக்கொள் வதில்லை. இதனால், ஓட்டல்களில் உணவு உட்கொள்ளும் பலர் உடல் உபாதையால் பாதிக்கின்றனர்.இதுகுறித்து, மாவட்ட உணவு பாதுகாப்புத்துறை நியமன அலுவலர் தமிழ்ச்செல்வன் கூறியதாவது;உணவு பாதுகாப்புத் துறையின், பதிவு மற்றும் உரிமம் பெற்ற பின்னரே, ஓட்டல் நடத்த வேண்டும். இதுகுறித்து, அவ்வப்போது, ஓட்டல் உரிமையாளர்கள் சங்கத்தினர் இடையே, விழிப்புணர்வு கூட்டம் நடத்தி, சுகாதாரம் பேண அறிவுறுத்தி வருகிறோம்.ஆனால், இச்சங்கத்தில், சிறிய ஓட்டல், சிற்றுண்டிக் கடைகள் இணையாததால், அவர்களை ஒருங்கிணைக்க முடிவதில்லை.உணவு தயாரிப்பில் குறை இருப்பது தெரிந்தால், ‘94440 42322’ என்ற ‘வாட்ஸ் ஆப்’ எண்ணுக்கு எஸ்.எம்.எஸ்., அல்லது வீடியோ பதிவு அனுப்பினால், 24 மணி நேரத்தில் நடவடிக்கை எடுக்கப்படும். இவ்வாறு, அவர் கூறினார்.

Categories: DISTRICT-NEWS, Tiruppur
%d bloggers like this: