Home > Coimbatore, DISTRICT-NEWS > செயற்கை முறையில் பழுக்கவைக்கப்பட்ட மாம்பழங்களை கண்டறிவது எப்படி?- உணவுப் பாதுகாப்புத் துறை அதிகாரி விளக்கம்

செயற்கை முறையில் பழுக்கவைக்கப்பட்ட மாம்பழங்களை கண்டறிவது எப்படி?- உணவுப் பாதுகாப்புத் துறை அதிகாரி விளக்கம்

25,April, 2019

செயற்கை முறையில் பழுக்கவைக் கப்பட்ட மாம்பழங்களை கண்டறிவது குறித்து, உணவுப் பாதுகாப்புத் துறை அதிகாரிகள் விளக்கம் அளித்துள்ளனர்.

கோவை மாநகராட்சிப் பகுதி யில் கருப்பகவுண்டர் வீதி, பெரிய கடை வீதி ஆகிய இடங்களிலுள்ள பழ குடோன்கள், சில்லறை விற்பனைக் கடைகளில், கார்பைடு கற்களைக் கொண்டு செயற்கை முறையில் மாம்பழங்களை பழுக்க வைப்பதாக, உணவுப் பாதுகாப்புத் துறையினருக்கு தகவல் கிடைத் தது. இதையடுத்து, கோவை மாவட்ட உணவுப் பாதுகாப்புத் துறை அதிகாரி விஜயலலிதாம் பிகை தலைமையிலான அலுவலர் கள் அடங்கிய குழுவினர், நேற்று காலை திடீர் ஆய்வு மேற்கொண்டனர்.

இதுதொடர்பாக விஜயலலிதாம் பிகை கூறும்போது, ‘மாம்பழ குடோன்கள், ஆரஞ்சு, சாத்துக்குடி, மாதுளை சேமிப்புக் கிடங்குகள் உட்பட 32 கடைகளில் ஆய்வு மேற்கொள்ளப்பட்டது.

அப்போது, அங்கு அழுகிய நிலையில் இருந்த மாம்பழம் 220 கிலோ, ஆரஞ்சு 65 கிலோ, சாத்துக்குடி 32 கிலோ, மாதுளை 34 கிலோ பறிமுதல் செய்யப்பட்டு அழிக்கப்பட்டன.

மேலும், பழ வியாபார நிறுவனங் களுக்கான உணவுப் பாதுகாப்பு குறித்த விழிப்புணர்வு கூட்டத்துக்கு ஏற்பாடு செய்யப்பட்டுள்ளது. செயற்கை முறையில் பழுக்கவைக் கப்பட்ட பழங்களை உட்கொண் டால் வயிற்று வலி, குடற்புண், தலைவலி, புற்றுநோய் ஏற்பட வாய்ப்புள்ளது. எனவே, செயற்கை முறையில் பழுக்க வைக்கப்பட்ட பழங்களை உண்பதை மக்கள் தவிர்க்க வேண்டும்.

செயற்கை முறையில் பழுக்க வைக்கப்பட்ட மாம்பழத்தின் வெளிப்புறத் தோற்றம் சீராக காணப்படும். மாம்பழத்தை வெட்டிப் பார்க்கும்போது, உள்பகுதி வெளிர் மஞ்சள் நிறத்தில் இருக்கும். உண்ணும் போது சுவையின்றி இருக்கலாம். மாம்பழத்தை அழுத்திப் பார்த்தால், அதன் தன்மை மிருதுவாக இல்லாமல் கடினமாக இருக்கும்.

இவ்வாறு அவர் கூறினார்.

Categories: Coimbatore, DISTRICT-NEWS
%d bloggers like this: