Home > DISTRICT-NEWS, Nagapattinam > டாஸ்மாக் கடையில் உணவுப் பாதுகாப்பு அலுவலர் ஆய்வு

டாஸ்மாக் கடையில் உணவுப் பாதுகாப்பு அலுவலர் ஆய்வு

21,May, 2019

நாகையில் செயல்பட்டு வரும் டாஸ்மாக் கடை மற்றும் மது குடிக்கும் கூடங்களில் நகராட்சி உணவுப் பாதுகாப்பு அலுவலர் ஏ.டி. அன்பழகன் திங்கள்கிழமை ஆய்வு மேற்கொண்டார். 
நாகை புதிய பேருந்து நிலையம் பகுதியில் உள்ள டாஸ்மாக் பாரில் சீலிடப்படாத  தண்ணீர் பாட்டில்கள் விற்பனை செய்யப்பட்டு வருவதாக,  நாகை சார் ஆட்சியருக்கு புகார் தெரிவிக்கப்பட்டிருந்தது. இதையடுத்து, நகராட்சி உணவுப் பாதுகாப்பு அலுவலர் ஏ.டி. அன்பழகன் திங்கள்கிழமை புதிய  பேருந்து நிலையம் , மருத்துவமனை சாலை, கடற்கரை சாலைகளில் உள்ள டாஸ்மாக்  மது குடிக்கும் கூடங்களில் ஆய்வு மேற்கொண்டார்.
ஆய்வில், புதிய பேருந்து நிலையம் அருகேயுள்ள மது குடிக்கும் கூடத்தில் காலி பாட்டில்களில் தண்ணீர் பிடித்து வைக்கப்பட்டு பயன்படுத்தப்பட்டது தெரியவந்தது. இதைத் தொடர்ந்து பணியாளர்களுக்கு  உணவுப் பாதுகாப்பு  சட்ட நடவடிக்கைககள் குறித்து அறிவுறுத்தப்பட்டன.

%d bloggers like this: