Archive

Archive for the ‘Chennai’ Category

உணவு விற்பனை: வியாபாரிகளுக்கு எச்சரிக்கை!

15,August, 2019 Comments off

செய்தித்தாள்களில் மடித்தோ, பிளாஸ்டிக் பைகளில் வைத்தோ உணவுப் பொருட்களை விற்பனை செய்தால் வியாபாரிகள்மீது கடுமையான நடவடிக்கை எடுக்கப்படும் என்று சென்னை மாவட்ட கலெக்டர் எச்சரிக்கை விடுத்துள்ளார்.

தமிழகம் முழுவதும் பிளாஸ்டிக் பொருட்களைப் பயன்படுத்தவும் விற்பனை செய்யவும் தமிழக அரசு தடை விதித்துள்ளது. பிளாஸ்டிக் பயன்பாடு உள்ள இடங்களில் அதிகாரிகள் சோதனைகளில் ஈடுபட்டு பிளாஸ்டிக் பொருட்களைக் கைப்பற்றி வருவதோடு, அவற்றை விற்பனை செய்வோர் மற்றும் பயன்படுத்துவோரிடம் அபராதமும் வசூலிக்கப்பட்டு வருகிறது. இருப்பினும் பிளாஸ்டிக் பைகளில் உணவு, பழங்கள், பூக்கள் உள்ளிட்ட பொருட்கள் தொடர்ந்து விற்பனை செய்யப்பட்டுதான் வருகின்றன. குறிப்பாகச் சாலையோர தள்ளுவண்டிக் கடைகளிலும், சிறிய உணவகங்களிலும் பிளாஸ்டிக் பைகளில் வைத்து உணவுப் பொருட்களை விற்பனை செய்கின்றனர்.

அதேபோல, வடை உள்ளிட்ட தின்பண்டங்கள் செய்தித்தாள்களில் வைத்து விற்பனை செய்யப்படுகின்றன. இது உணவுப் பாதுகாப்புச் சட்டத்தின் கீழ் குற்றமாகும். உணவுப் பாதுகாப்புச் சட்டம் 2006இன் கீழ் செய்தித்தாள் உள்ளிட்ட அச்சிடப்பட்ட காகிதங்களிலும், பிளாஸ்டிக் கவர்களிலும், ஸ்டேப்ளர் பின் பதிக்கப்பட்ட காகிதங்களிலும் விற்பனை செய்யத் தடை விதிக்கப்பட்டுள்ளது. இவற்றிலுள்ள ரசாயனம் உள்ளிட்டவற்றால் சுகாதாரச் சீர்கேடுகள் ஏற்படுகின்றன. இந்த நிலையில் செய்தித்தாள், பிளாஸ்டிக் பைகளில் உணவுப் பொருட்களை விற்பனை செய்தால் கடுமையான நடவடிக்கை எடுக்கப்படும் என்று சென்னை மாவட்ட ஆட்சியர் சீதாலட்சுமி எச்சரிக்கை விடுத்துள்ளார்.

இதுகுறித்து ஆகஸ்ட் 14ஆம் தேதி வெளியிடப்பட்டுள்ள அறிக்கையில், ‘வடை, போண்டா, பக்கோடா, பஜ்ஜி உள்ளிட்ட உணவுப் பொருட்களைச் செய்தித் தாள்களிலோ, பிளாஸ்டிக் கவர்களிலோ வைத்து விற்பனை செய்யும்போது அந்த உணவுகள் நஞ்சாகின்றன. அவற்றை உண்ணக் கூடாது. இந்திய உணவுப் பாதுகாப்பு மற்றும் தர வாரியத்தின் வலியுறுத்தலின்படி, அச்சு மையால் புற்றுநோய் ஏற்பட வாய்ப்புள்ளது. அதேபோல, மறுசுழற்சி செய்யப்பட்ட செய்தித்தாள்களில் ஈயம், கேட்மியம் போன்ற ரசாயனங்கள் இருக்கும். சூடான உணவுப் பொருளைச் செய்தித்தாளில் வைக்கும்போது அதிலுள்ள மை உருகி உணவில் கலந்து மனித உடலில் பல்வேறு சுகாதாரச் சீர்கேடுகளை ஏற்படுத்தும். எனவே, செய்தித்தாள், பாலித்தீன் பைகளில் உணவுப் பொருட்களை வைத்து விற்பனை செய்யக் கூடாது. இதை மீறும் வியாபாரிகள் மீது கடுமையான நடவடிக்கைகள் மேற்கொள்ளப்படும்’ என்று எச்சரிக்கப்பட்டுள்ளது.

இந்த உணவுப் பொருட்களை பச்சையான அல்லது காய்ந்த இலைகளிலோ அல்லது ஸ்டெயின்லெஸ் ஸ்டீல் தட்டுகளிலோ வைத்து விற்பனை செய்யும்படி வலியுறுத்தப்பட்டுள்ளது.

Categories: Chennai, DISTRICT-NEWS

நாய் இறைச்சி சர்ச்சையால் உணவு பாதுகாப்பு துறை முடங்கியது

15,August, 2019 Comments off

சென்னையில், நாய் இறைச்சி பறிமுதல் செய்யப்பட்டதாக எழுந்த சர்ச்சையை தொடர்ந்து, தரமற்ற உணவு பொருட்கள் சோதனை செய்வதை, உணவு பாதுகாப்பு துறையினர் குறைத்து கொண்டனர்.
ராஜஸ்தான் மாநிலம், ஜோத்பூரில் இருந்து, சென்னை எழும்பூருக்கு, 2018 நவ., 17ல் வந்த, ஜோத்பூர் எக்ஸ்பிரஸ் ரயிலில், 2,000 கிலோ இறைச்சியை, மாநகராட்சி சுகாதாரத் துறை மற்றும் உணவு பாதுகாப்பு துறையினர் பறிமுதல் செய்தனர். இறைச்சியின் தன்மையை வைத்து, நாய் இறைச்சி என, தகவல் பரவியது. இதனால், சென்னை உட்பட, தமிழகத்தின் பல்வேறு பகுதிகளில், மூன்று மடங்கு இறைச்சி விற்பனை குறைந்தது. மேலும், அசைவ உணவகங்களில், உணவு விற்பனையும் பாதியாக குறைந்தது. இதையடுத்து, பல்வேறு தரப்பில் இருந்து, உணவு பாதுகாப்பு துறைக்கு அழுத்தம் கொடுக்கப்பட்டது. இதன் காரணமாக, உணவு பாதுகாப்பு துறையினர், பல தொலைபேசி அழைப்புகளை எடுக்கவே தயங்கினர்.
இதற்கிடையில், இறைச்சியை ஆய்வு செய்த, வேப்பேரி கால்நடை மருத்துவ கல்லுாரி மருத்துவர்கள், ‘உணவு பாதுகாப்பு துறையினர் பிடித்தது, நாய் இறைச்சி இல்லை; ஆட்டிறைச்சி’ என, ஆய்வறிக்கை வெளியிட்டனர். இதன்பின், தமிழ்நாடு இறைச்சி வியாபாரிகள், ‘உணவு பாதுகாப்பு துறையினருக்கும், போலீசாருக்கும் லஞ்சம் கொடுத்து தான், இறைச்சியை, வெளி மாநிலங்களில் இருந்து இறக்குமதி செய்கிறோம்’ என, பகிரங்க குற்றச்சாட்டை வைத்தனர்.
இதன் காரணமாக, தரமற்ற இறைச்சிகள் மற்றும் உணவு பொருட்கள் குறித்து புகார்கள் வந்தாலும், அதன் மீது உணவு பாதுகாப்பு துறையினர் நடவடிக்கை எடுக்க தயங்கினர். நாய் இறைச்சி பிரச்னையின் போது, பணியில் இருந்த, சென்னை மாவட்ட உணவு பாதுகாப்பு நியமன அலுவலர், வேறு மாவட்டத்திற்கு மாற்றப்பட்டார்.அதன்பின் வந்த அலுவலரும், தரமற்ற குடிநீர் சோதனையில் மட்டுமே கவனம் செலுத்தினார். ஆனால், சென்னையில், இன்றைக்கும் தரமற்ற குடிநீர், இறைச்சிகள் உள்ளிட்ட உணவு பொருட்கள் விற்பனையில் உள்ளன. நடவடிக்கை எடுக்க வேண்டிய அதிகாரிகள், அலட்சியமாக செயல்படுகின்றனர்.
இது குறித்து, சமூக ஆர்வலர், காசிமாயன் கூறியதாவது:உரிமம் பெறாத கடைகளில், தரமற்ற உணவு பொருட்கள் விற்பனை செய்தால், உணவு பாதுகாப்பு துறை சட்டப்பிரிவு, 63ன்படி, 10 லட்சம் ரூபாய் அபராதம், ஆறு மாதம் சிறை தண்டனை விதிக்க முடியும். உரிமம் பெற்ற கடைகளில், தரமற்ற உணவு பொருட்கள் விற்பனை செய்தால், 1 லட்சம் ரூபாய் அபராதம், ஒரு மாத சிறை தண்டனையும் வழங்க முடியும்.ஆனால், தரமற்ற உணவு பொருட்கள் குறித்து, உணவு பாதுகாப்பு துறையில் புகார் அளித்தால், அதன் மீது முறையான நடவடிக்கை எடுப்பதில்லை. மாறாக, லஞ்சம் பெற்று, அந்த கடைகளுக்கு, மிக குறைந்த அளவில் அபராதம் விதிக்கின்றனர்.சென்னையில், இன்றைக்கும் பல்வேறு பகுதிகளில், தரமற்ற இறைச்சிகளும், நாய் இறைச்சிகளும் விற்பனை செய்யப்படுகின்றன. எண்ணெய், நெய் உள்ளிட்ட பல்வேறு தரமற்ற உணவு பொருட்கள் விற்பனை செய்யப்படுகின்றன. இதனால், இளம் வயதிலேயே, பலருக்கு மாரடைப்பு ஏற்படுகிறது.இதன் மீது நடவடிக்கை எடுக்க வேண்டிய உணவு பாதுகாப்பு துறையினர், மவுனமாக உள்ளனர். இவர்களுக்கு, எந்த உணவகத்தில் சென்றாலும், அங்கு, உணவு, தங்குமிடங்கள் ஆகியவை இலவசமாக வழங்கப்படுகின்றன. மாதந்தோறும், ‘கமிஷன்’ வந்து விடுகிறது. இதன் காரணமாக, நடவடிக்கை எடுக்க தயங்குகின்றனர்.இவ்வாறு, அவர் கூறினார்.
மாநகராட்சிக்கு கட்டுப்பாடுசென்னை மாநகராட்சி சுகாதாரத் துறையினர், தரமற்ற உணவு பொருட்களை பறிமுதல் செய்து, கடைகள் மீது நடவடிக்கை எடுத்து வந்தனர். மாநகராட்சி சுகாதாரத் துறையினர் ஆய்வு செய்து, உணவு பொருட்களை பறிமுதல் செய்தாலும், உணவு பாதுகாப்பு துறையினரிடம் தான் ஒப்படைக்க வேண்டும். அவர்கள் மீது நடவடிக்கை எடுக்க முடியாது. சோதனை செய்யப்படும் இடம் குறித்தும், தெரிவிக்க வேண்டும் என, உணவு பாதுகாப்பு துறையினர், மாநகராட்சிக்கு கட்டுப்பாடுகளை விதித்தனர். இதன் காரணமாக, மாநகராட்சி சுகாதாரத் துறையினர் சோதனை செய்வதை கைவிட்டனர்.

Categories: Chennai, DISTRICT-NEWS

ஆசிஃப் பிரியாணி’ கிளையில் நூல் பிடித்த அதிகாரிகள்.. ரெய்டில் சிக்கிய 2000 கிலோ அழுகிய இறைச்சி!

6,October, 2018 Comments off

நேற்று முன்தினம், ஆசிஃப் பிரியாணியின் கிண்டி தலைமை கிச்சனுக்குள் புகுந்த உணவு பாதுகாப்புப் பிரிவு அதிகாரியான டாக்டர் கதிரவன் அதிரடி ரெய்டு நடத்தி சீல் வைத்தார். ஜூ.வி வாசகர் ஒருவர் கோயம்பேடு ஏரியாவில் உள்ள ஆசிஃப் பிரியாணி கடையில் தரமற்ற மட்டன் பிரியாணி சப்ளை செய்ததைக் கண்டுபிடித்து தகவல் சொல்ல… கோயம்பேடு கிளைக்கு எங்கிருந்து பிரியாணி சப்ளை ஆகிறது என்பதை விசாரித்து கிண்டியில் உள்ள அந்த ஹோட்டலின் கிச்சனில் ரெய்டு நடத்த உத்தரவிட்டிருந்தார் தமிழக அரசின் உணவு பாதுகாப்புப் பிரிவு கமிஷனர் அமுதா. “இனி அப்படி நடக்காது. தவறுகளைத் திருத்திக்கொள்கிறோம்’’ என்கிற ரீதியில் ஹோட்டல் நிர்வாகத்தினர் டாக்டர் கதிரவனிடம் கடிதம் கொடுத்துவிட்டு சீலை எடுக்கும்படி காத்திருக்கிறார்கள். இது ஒருபுறமிருக்க…

டாக்டர் கதிரவன்

சென்னையின் பிரபல ஹோட்டல்களில் பரிமாறப்படும் மட்டன், சிக்கன் போன்ற இறைச்சிகள் தரமானதுதானா?

…என்கிற விசாரணையில் இறங்கியிருக்கிறார்கள் உணவு பாதுகாப்புப் பிரிவு அதிகாரிகள். மக்கள் புழக்கம் அதிகமுள்ள இடங்களில் செயல்படும் சில நான்வெஜ் ஹோட்டல்களில் கெட்டுப்போன இறைச்சி சப்ளை ஆவது தொடர்பாக ரகசிய விசாரணையில் அதிகாரிகள் ஈடுபட்டு வந்தனர்.

வெளியூர், வெளி மாநிலங்களிலிருந்து கெட்டுப்போன இறைச்சிகளை தெர்மோ கூல் பாக்ஸில் பேக் செய்து அனுப்பி வருகிறது ஒரு பயங்கர கும்பல். இதற்கென சென்னையின் பல பகுதிகளில் ஏஜென்டுகள் உண்டு. இவர்கள் மூலம் சந்தடியில்லாமல் குறைந்த விலைக்குக் கடைகளுக்கு இறைச்சி சப்ளை ஆகிவிடும். ஆசிஃப் ஹோட்டல் ரெய்டுக்குப் பிறகு, உணவு பாதுகாப்புப் பிரிவு அதிகாரிகள் ரகசிய வேட்டையில் இறங்கியிருக்கிறார்கள்.

நேற்று (5.10.2018) அவர்களுக்குக் கிடைத்த ரகசியத் தகவலை அடுத்து, சிந்தாதிரிப்பேட்டையில் ஓர் இடத்தில் சர்ப்ரைஸ் ரெய்டு நடத்தியிருக்கிறார்கள். 2,000 கிலோ இறைச்சி கெட்டுப்போன நிலையில் கைப்பற்றியிருக்கிறார்கள்.

இறைச்சி

சென்னை ஹோட்டல்களுக்குத் தரமற்ற இறைச்சியை சப்ளை செய்யும் நெட்வொர்க்கை ரகசியமாக நடத்திவரும் கோஷ்டிகளில் முக்கியமானது சக்திவேல் கோஷ்டி. இதுபற்றி டாக்டர் கதிரவன் நம்மிடம் கூறும்போது, “மாடு, பன்றி, கன்றுக்குட்டி… ஆகியவற்றைக் கொன்று அதன் இறைச்சியைச் சாதாரண தெர்மோ கூல் பாக்ஸில் அனுப்புகிறார்கள். இந்த மாதிரி, அண்ணாசாலை பாடிகாட் முனீஸ்வரன் கோயில் அருகே ஒரு கும்பல் கெட்டுப்போன இறைச்சியைப் பதுக்கி வைத்திருப்பதாகத் தகவல் கிடைத்து ரெய்டு நடத்தினோம். அங்கே சிக்கிய சக்திவேல் கோஷ்டியைச் சேர்ந்த ஐந்து பேரைப் பிடித்தோம். அவர்களைப் போலீஸில் சொல்லி கைது செய்து சிறையில் அடைத்தோம். அப்போது, அந்தக் கோஷ்டியிடமிருந்து 500 கிலோ இறைச்சியைக் கைப்பற்றி அழித்தோம்.

அதேபோல், இன்றும் எங்களுக்கு ரகசியத் தகவல் கிடைக்கவே சிந்தாதிரிப்பேட்டையில் ரெய்டு நடத்தினோம். அதே, சக்திவேல் கோஷ்டிதான் சிக்கியது. இறைச்சிகள் குவியலாகப் போட்டுவைக்கப்பட்டிருந்த இடத்தைப் பார்த்தால், குமட்டிக்கொண்டு வந்தது. துர்நாற்றம் வீசியது. சுகாதாரமற்ற நிலையில் கிடந்த 2,000 கிலோ இறைச்சியைக் கைப்பற்றி அழித்தோம். மனித உடலுக்குத் தீங்கு விளைவிக்கக்கூடியவை இந்த இறைச்சி. இதன் பின்னணி தெரிந்தே, சிலர் வாங்கிச்செல்கிறார்கள் என்பதைக் கேள்விப்படும்போது அதிர்ச்சியாக இருக்கிறது. ஆட்டு இறைச்சியின் விலை அதிகம். ஆனால், மாடு, பன்றி, கன்றுக்குட்டி ஆகியவற்றின் இறைச்சி விலை குறைவு. இவற்றை வெட்டி, இறைச்சியைக் கடத்தி விற்கிறார்கள். அதை வாங்குகிறவர்கள் ஆட்டு இறைச்சிக்குப் பதிலாக இவற்றைக் கலந்து சமைக்கிறார்கள். இது மிகவும் தவறானது. இந்தக் கொடுஞ்செயலை யார் செய்தாலும் தண்டனைக்கு உரியக் குற்றம்" என்றார்.

இனி பிரபல ஹோட்டல்களில் சாப்பிடப் போகும்போது உணவு தரமில்லாமலோ, சுகாதாரமற்ற சூழ்நிலை நிலவினாலோ… உடனே உணவு பாதுகாப்புத்துறை கன்ட்ரோல் ரூமுக்குத் தகவல் கொடுங்கள். நீங்கள் பார்த்த காட்சியைப் படம் பிடித்துக் குறிப்புடன் சென்னை தேனாம்பேட்டையில் மாநில உணவு பாதுகாப்பு கமிஷனர் அமுதா ஐ.ஏ.எஸ் அலுவலகத்தில் இயங்கும் கன்ட்ரோல் ரூமுக்கு (வாட்ஸ் அப்/ செல் எண் 94440 42322) தகவல் தெரிவியுங்கள்.

Categories: Chennai, DISTRICT-NEWS

ஆசிஃப் பிரியாணி கிச்சனுக்கு சீல் – ஜூ.வி ஆக்‌ஷன் பின்னணி!

4,October, 2018 Comments off

கிண்டியில் செயல்பட்டுவந்த ஆசிஃப் பிரியாணி கடைக்கு சீல் வைக்கப்பட்டது. இதுகுறித்து, ஜூனியர் விகடன் ஏற்கெனவே களஆய்வு நடத்தி புகார் அளித்தது.

ஆசிஃப் பிரியாணி

சென்னையில், 18-க்கும் மேற்பட்ட கிளைகளைக் கொண்டது ஆசிஃப் பிரியாணி ஹோட்டல். இவற்றுக்கு கிண்டியில் உள்ள தலைமை கிச்சனில் இருந்துதான் பிரியாணி தயாரித்து தினமும் அனுப்புகிறார்கள். சமீபத்தில் ஒரு நாள், ஜூ.வி வாசகர் ஒருவர் கோயம்பேடு ஏரியாவில் உள்ள ஆசிஃப் பிரியாணி கடைக்குப் போயிருக்கிறார். மட்டன் பிரியாணி கேட்டிருக்கிறார். அவருக்கு பரிமாறப்பட்ட பிரியாணியில் இருந்த மட்டன் துண்டுகள் தரமில்லாததைக் கவனித்து விசாரித்திருக்கிறார். அங்கே, சுகாதாரமற்ற சூழ்நிலை நிலவியதைக் கவனித்திருக்கிறார். இதுபற்றி அங்கிருந்தவர்களிடம் விசாரித்தபோது,  சரியான பதில் இல்லை. உடனே, ஜூ.வி அலுவலகத்துக்குத் தகவல் தெரிவித்தார். அடுத்த நிமிடமே ஜூ.வி சிறப்புக் குழு ஆக்ஷனில் இறங்கியது. சென்னை தேனாம்பேட்டையில் உள்ள மாநில உணவு பாதுகாப்பு கமிஷனர் அமுதா ஐஏஎஸ் ஆபீஸில் இயங்கும் கன்ட்ரோல் ரூமுக்கு (வாட்ஸ்அப்/ செல் எண் 94440 42322) தகவல் தெரிவித்தோம்.

அதிகாரிகள் குழு விரைந்து சென்று ஆய்வு நடத்தியிருக்கிறார்கள். அங்கே, சுகாதாரமற்ற சூழ்நிலை நிலவியதை நேரில் பார்த்து எச்சரிக்கை செய்திருக்கிறார்கள். அதேசமயம், கிண்டியில் செயல்படும் தலைமை கிச்சன் எப்படி செயல்படுகிறது என்பதை அறிய அங்கும் சர்ப்ரைஸ் விசிட் செய்திருக்கிறார்கள். அங்கேயும் சுகாதாரமற்ற சூழ்நிலை நிலவியதைப் பார்த்து எச்சரித்து, நோட்டீஸ் கொடுத்திருக்கிறார்கள். இதுபற்றி உணவு பாதுகாப்புத் துறை அதிகாரி ஒருவர் கூறும்போது, " எங்கள் மண்டல உணவு பாதுகாப்பு அதிகாரி கதிரவன் தலைமையில் ஆய்வு நடந்தது. உணவு பாதுகாப்புச் சட்டத்தில் கூறப்பட்டுள்ள விதிகளின்படி உரிய காலஅவகாசம் கொடுத்திருந்தோம். ஆனாலும், அந்த ஹோட்டல் நிர்வாகத்தினர் தங்கள் தரப்பு தவறுகளைத் திருத்திக்கொள்ளவில்லை. இதுகுறித்து கமிஷனர் அமுதாவிடம் ஆதாரத்துடன் எடுத்துச்சொல்லி, அடுத்தகட்ட நடவடிக்கைக்கு அனுமதி கேட்டோம். அவரும் ஆதாரங்களைப் பரிசீலித்து, கிச்சனுக்கு சீல் வைக்க உத்தரவிட்டார். அதன்பேரில், கிச்சனுக்கு சீல் வைத்தோம் " என்றார்.

சென்னையின் பிரபல பிரியாணி ஹோட்டல்கள் பலவும் ஏராளமான கிளைகளைத் திறந்துவிடுகின்றனர். அவற்றுக்கு சென்ட்ரலைஸ்டு கிச்சன் ஒன்று இருக்கும். அங்கிருந்து பிரியாணி தயாரித்து சப்ளை செய்கிறார்கள். இங்குதான் பிரச்னையே வருகிறது. சென்ட்ரலைஸ்டு கிச்சனில் வைக்கப்பட்டிருக்கும் இறைச்சிகள் தரமானதாக இருக்க வேண்டும். ஃப்ரிட்ஜ் சரியாகச் செயல்பட வேண்டும். அதேபோல, உணவு தயாரிக்கப் பயன்படுத்தப்படும் எண்ணெய், அரிசி, பருப்பு, நெய் உள்ளிட்ட பொருள்கள் லைசென்ஸ் பெற்ற கடைகளில் வாங்கியதற்கான பில்களைப் பத்திரப்படுத்தியிருக்க வேண்டும்.

அதேபோல, மீதமாகும் உணவுப் பொருள்களை எப்படி அப்புறப்படுத்துகிறார்கள் என்பதை அடையாளம் காட்ட வேண்டும். இதுமாதிரியான நடைமுறைகள் இருந்தும், சில ஹோட்டல்காரர்கள் அதுபற்றியெல்லாம் கவலைப்படுவதில்லை. ஹோட்டலுக்குச் செல்லும் மக்கள் தரப்பில் புகார் வந்தபிறகுதான், நடவடிக்கை எடுக்க உணவு பாதுகாப்புப் பிரிவு அதிகாரிகள் சம்பந்தப்பட்ட இடத்துக்குப் போகிறார்கள். இனியாவது, சாப்பிடப் போகும்போது உணவு தரமில்லாமலோ, சுகாதாரமற்ற சூழ்நிலை நிலவினாலோ, உடனே உணவு பாதுகாப்புத் துறை கன்ட்ரோல் ரூமுக்கு தகவல் கொடுங்கள். நீங்கள் பார்த்த காட்சியைப் படம்பிடித்து, குறிப்புடன் மேலே குறிப்பிட்டுள்ள வாட்ஸ்அப் எண்ணுக்கு அனுப்புங்கள். நிச்சயம் நடவடிக்கை எடுப்பார்கள்.

Categories: Chennai, DISTRICT-NEWS

மீன் மார்க்கெட்டில் உணவு பாதுகாப்பு அதிகாரிகள் ஆய்வு

11,July, 2018 Comments off

2

Categories: Chennai, DISTRICT-NEWS

டீத்தூளில் கலப்படம் : நிறுவனத்திற்கு, ‘சீல்’

21,June, 2018 Comments off

அரும்பாக்கத்தில் உள்ள, டீ துாள் விற்பனை நிறுவனத்தில் இருந்து, கலப்படம் செய்யப்பட்ட, 35 டன் டீத்துளை, உணவு பாதுகாப்பு துறை அதிகாரிகள் பறிமுதல் செய்தனர்.அரும்பாக்கம், செந்தில் நகர், 2வது தெருவில், தாமஸ் என்பவருக்கு சொந்தமான, தனியார் டீ துாள் விற்பனை நிறுவனம் உள்ளது. கோவையில் இருந்து வரும் டீ துாளை, ‘பேக்’ செய்து, சென்னையில் விற்பனை செய்து வந்தார்.உணவு பாதுகாப்பு துறை நியமன அலுவலர் கதிரவன் தலைமையிலான அதிகாரிகள், நேற்று இரவு, அந்நிறுவனத்தில் சோதனையில் ஈடுபட்டனர்.இதில், டீ துாளில் சேர்க்க வைத்திருந்த, 300 கிலோ சாயம் மற்றும் கலப்படம் செய்யப்பட்ட, 35 டன் டீத்துாள் ஆகியவற்றை, அதிகாரிகள் பறிமுதல் செய்தனர். மேலும், அந்த நிறுவனத்திற்கு, அதிகாரிகள், ‘சீல்’ வைத்தனர்.மேலும், அந்த கலப்பட டீத்துார் மாதிரியை, தஞ்சாவூரில் உள்ள சோதனை சாவடிக்கு அனுப்பி வைத்தனர்.

Categories: Chennai, DISTRICT-NEWS

5 கிலோ கார்பைடு கல் 4 டன் மாம்பழம் பறிமுதல்

31,May, 2018 Comments off

கோயம்பேடு:கோயம்பேடு மார்க்கெட்டில், கார்பைடு கல்லில் பழுக்க வைத்த, 4 டன் பழங்களை, உணவு பாதுகாப்பு துறை அதிகாரிகள் பறிமுதல் செய்தனர்.
கோயம்பேடு, நெற்குன்றம், அழகம்மாள் நகரில் உள்ள குடோனில், கார்பைடு கல் மூலம், மாங்காய்கள் பழுக்க வைக்கப் படுவதாக, உணவு பாதுகாப்பு துறை அதிகாரிகளுக்கு தகவல் கிடைத்தது.இதையடுத்து, நேற்று மாலை, உணவு பாதுகாப்பு துறை அதிகாரிகள், அந்த குடோனை
சோதனையிட்டனர்.
இதில், கார்பைடு கல் மூலம் பழுக்க வைக்கப்பட்ட, 4 டன் மாம்பழங்களை பறிமுதல் செய்தனர்; மேலும், 5 கிலோ கார்பைடு கல்லும் பறிமுதல் செய்யப்பட்டது.

Categories: Chennai, DISTRICT-NEWS

போதை பாக்கு பறிமுதல்

19,May, 2018 Comments off

https://foodsafetynews.files.wordpress.com/2018/05/5efef-1.jpg

Categories: Chennai, DISTRICT-NEWS

பறிமுதல்

26,April, 2018 Comments off

https://foodsafetynews.files.wordpress.com/2018/04/0bbc1-2.jpg

Categories: Chennai, DISTRICT-NEWS