Archive

Archive for the ‘Ramanathapuram’ Category

எடை குறைந்த காலாவதியான பொருட்கள் விற்பனை

2,March, 2018 Comments off

கெட்டு போன தேயிலை விற்பனை

23,November, 2017 Comments off

ஹோட்டல்களில் சுகாதாரமற்ற உணவுகள் விற்பனை ஜோர்

25,October, 2017 1 comment

https://foodsafetynews.files.wordpress.com/2017/10/fad53-20171025c_020102013.jpg?w=664&h=609

உணவு பொருள்கள் மீதான புகாரைப் பதிவிட தனி ‘வாட்ஸ்அப்’ எண்! – ராமநாதபுரத்தில் அறிமுகம்

12,September, 2017 Comments off

ராமநாதபுரம் மாவட்டத்தில்  உணவுப் பொருள்களின் தரம் குறித்த புகார்களை வாட்ஸ்அப் மூலம் தெரியப்படுத்த பிரத்யோக எண் மாவட்ட ஆட்சியரால் அறிமுகப்படுத்தப்பட்டுள்ளது.
ராமநாதபுரம் மாவட்டத்தில் உணவுப் பாதுகாப்புத் துறையின் சார்பில் பொதுமக்கள் பயன்படுத்தும் உணவுப் பொருள்களின் தரம், அவற்றால் ஏற்படும் குறைபாடுகள் போன்றவற்றை களையும் வகையில் பல்வேறு விழிப்பு உணர்வு முகாம்கள் அவ்வப்போது நடத்தப்பட்டு வருகின்றன. இதன் ஒரு பகுதியாக உணவுப் பாதுகாப்பு மற்றும் மருந்து நிர்வாகத் துறையின் சார்பில் பாலின் தரம்குறித்த பரிசோதனை விழிப்பு உணர்வு முகாம்கள் நடத்தப்பட்டன. மாவட்டம் முழுவதும் ஒரு வார காலம் இலவசமாக நடத்தப்பட்ட இந்த முகாமில் நூறு சதவிகிதம் கணிணிமய தானியங்கி கருவி மூலம் பாலின் தரம் மற்றும் அதில் கலப்படம் செய்யப்பட்டுள்ளதா என்பது குறித்த பரிசோதனைகள் கண்டறியப்பட்டு அதன் முடிவுகள் பொதுமக்களுக்கு உடனுக்குடன் தெரிவிக்கப்பட்டது. பொதுமக்களிடம் இதற்கு நல்ல வரவேற்பு கிடைத்தது.

உணவு பொருட்கள் தர சோதனை

பச்சிளம் குழந்தைகள் பருகும் பால் முதல் வயோதிகர்கள் உண்ணும் உணவு, பழங்கள் என எல்லாவற்றிலும் கலப்படங்கள் பெருகி வருகிறது. இதனால் உண்டாகும் பாதிப்புகள் ஏராளம் என்ற நிலையில் லாபத்தை மட்டுமே குறியாக கொண்டிருப்பவர்கள் தொடர்ந்து கலப்படத்தில் ஈடுபட்டுவருகின்றனர். இதைத் தடுக்கும் வகையில்  ராமநாதபுரம் மாவட்டத்தில்  உணவுப் பொருள்களின் தரம்குறித்த புகார்களை தெரிவிப்பதற்கென தனி ”வாட்ஸ் அப்" எண் அறிமுகம் செய்யப்பட்டுள்ளது. 
94440 42322 என்ற ‘வாட்ஸ்அப்’ எண்ணின் மூலம் கோடைக் காலங்களில் விற்பனை செய்யப்படும் கார்பைடு கல் வைத்து பழுக்க வைக்கப்பட்ட மாம்பலம் உள்ளிட்ட பழங்கள், தரமில்லாத குடிநீர் கேன்கள், பால், பால் பொருள்கள், அரசால் தடை செய்யப்பட்ட புகையிலைப் பொருள்கள் மற்றும் உணவுப் பொருள்கள் தொடர்பான புகார்களை பொதுமக்கள் பதிவிட்டுப் பயன் பெற நடவடிக்கை மேற்கொள்ளப்பட்டுள்ளது. உணவுப் பொருள்கள் குறித்த புகாரைத் தெரிவிக்க பிரத்யோகமாக உருவாக்கப்பட்டுள்ள இந்த வாட்ஸ்அப் சேவையை மாவட்ட ஆட்சியர் நடராஜன் அறிமுகம் செய்துவைத்தார்.

பாலின் தரத்தை அறிய இலவச பரிசோதனை முகாம்

29,August, 2017 Comments off

ஒட்டல்களில் சுகாதாரமற்ற உணவுகள்

31,July, 2017 Comments off

கார்பைடு கற்கள் மூலம் பழுக்க வைக்கப்பட்ட மாம்பழங்கள் பறிமுதல்

12,June, 2017 Comments off

இராமநாதபுரம் மாவட்டம் கமுதியில், கார்பைடு கற்கள் மூலம் பழுக்க வைக்கப்பட்ட மாம்பழங்களை உணவு பாதுகாப்பு துறையினர் பறிமுதல் செய்து அழித்தனர்.

கமுதியில் விற்கப்படும் கார்பைடு மாம்பழங்களால், பொதுமக்களுக்கு வயிற்றுக் கோளாறு உள்ளிட்ட பிரச்னைகள் ஏற்பட்டதாக, உணவு பாதுகாப்பு துறையினருக்கு புகார் சென்றது.

இதையடுத்து மேற்கொள்ளப்பட்ட ஆய்வில், வலம்புரி என்பவரது கிடங்கில் கார்பைடு கற்கள் மூலம் பழுக்க வைக்கப்பட்ட 4 டன் மாம்பழங்கள் இருப்பது கண்டறியப்பட்டது. மாம்பழங்களை பறிமுதல் செய்த அதிகாரிகள், துப்புரவு பணியாளர்கள் உதவியுடன் அவற்றை குப்பைக் கிடங்கில் கொட்டி, கிருமி நாசினி தெளித்து அழித்தனர்.

வாகனங்களில் சுகாதாரமற்ற குடிநீர்

12,June, 2017 Comments off

 

உணவுபொருட்கள் வியாபாரிகள் பதிவு சான்றிதழ் பெறாவிட்டால் கடும் நடவடிக்கை

4,June, 2017 Comments off

ராமநாதபுரம் மாவட்டத்தில் உணவுபொருட்கள் வியாபாரிகள் உடனடியாக பதிவு மற்றும் உரிம சான்றிதழ் பெறாவிட்டால் சட்டப்பூர்வமாக கடும் நடவடிக்கை எடுக்கப்படும் என்று மாவட்ட கலெக்டர் நடராஜன் எச்சரித்துள்ளார்.

பதிவு சான்றிதழ்

இந்தியா முழுவதும் அனைவருக்கும் தரமான மற்றும் பாதுகாப்பான உணவு கிடைப்பதை உறுதிப்படுத்தும் வகையில் உணவு பாதுகாப்பு மற்றும் தரங்கள் சட்டம் அமலில் உள்ளது. பழைய சட்டத்தில் உள்ளாட்சி அமைப்புகள் வழங்கி வந்த உரிமத்தை தற்போது புதிய சட்டத்தில் உணவு பாதுகாப்பு துறை வழங்குகிறது. ஏற்கனவே உணவுபொருட்கள் வியாபாரிகளுக்கு பதிவு மற்றும் உரிமம் பெறுவதற்காக போதிய கால அவகாசம் வழங்கப்பட்டுவிட்டதால் வியாபாரிகள் அவர்களுடைய விற்பனை கொள்முதல் தொகைக்கு ஏற்ப உரிமம் அல்லது பதிவு பெறுவது கட்டாயமாக்கப்பட்டு உள்ளது. இதன்படி உரிமம் அல்லது பதிவு பெற வேண்டிய உணவு உற்பத்தியாளர்கள், மொத்த விற்பனையாளர்கள் வினியோகஸ்தர்கள், சில்லறை விற்பனையாளர்கள் மற்றும் உணவுப்பொருட்களை கொண்டு செல்லும் வாகனங்களுக்கு அனைவரும் தங்கள் பகுதி உணவு பாதுகாப்பு அலுவலரிடமோ அல்லது மாவட்ட நியமன அலுவலரிடமோ பதிவு அல்லது உரிமம் சான்றிதழ் பெற்றுக்கொள்ள வேண்டும்.

வருடத்திற்கு ரூ.12 லட்சத்திற்குள் வியாபாரம் செய்பவர்கள் உரிய ஆவணங்களுடன் உணவுப் பாதுகாப்பு அலுவலரிடம் நேரிலோ அல்லது தபாலிலோ சமர்ப்பிக்க வேண்டும். அல்லது அருகில் உள்ள பொது சேவை மையம் மூலம் பதிவேற்றம் செய்து பதிவுச்சான்றிதழ் பெற்றுக்கொள்ளலாம். வருடத்திற்கு ரூ.12 லட்சத்திற்கு மேல் வியாபாரம் செய்பவர்களுக்கு உரிமக்கட்டணமாக சில்லறை விற்பனையாளருக்கு ஆண்டுக்கு ரூ.2,000–மும், தயாரிப்பாளர்கள் உற்பத்தி நாள் ஒன்றுக்கு ஒரு மெட்ரிக் டன்னுக்கு உட்பட்டதாக இருந்தால் ரூ.3,000–மும், ஒரு மெட்ரிக் டன்னுக்கு மேல் இருந்தால் ரூ.5,000–மும் கருவூலம் தொடர்புடைய வங்கியில் செலுத்தி தங்களின் விவரங்களை இணையதளத்தில் பதிவேற்றம் செய்து பதிவேற்றம் செய்த ஆவணங்கள் மற்றும் விண்ணப்பம் அசல் மற்றும் நகல் இணைத்து மாவட்ட நியமன அலுவலரிடம் நேரிலோ அல்லது தபாலிலோ சமர்ப்பிக்க வேண்டும்.

அபராதம்

மேலும் விவரங்களுக்கு ராமநாதபுரம் மாவட்ட கலெக்டர் அலுவலகத்தில் உள்ள மாவட்ட நியமன அலுவலர் அலுவலகத்தை தொடர்பு கொண்டு அனைத்து உணவு வியாபாரிகளும் பதிவு சான்று அல்லது உரிமம் பெற்றுக் கொள்ள வேண்டும். ஏற்கனவே பதிவு மற்றும் உரிமம் உள்ளவர்கள் தங்களது பதிவு மற்றும் உரிமத்தினை காலாவதியாவதற்கு முன்பே புதுப்பித்துக்கொள்ளவேண்டும். அவ்வாறு புதுப்பித்துக் கொள்ளும்பட்சத்தில் அவர்கள் தங்கள் உணவுப்பொருளின் பொட்டலத்தில் அச்சிட்டுள்ள அதே பதிவு மற்றும் உரிமம் எண் பெறுவதோடு அபராதத்தொகையையும் தவிர்க்கலாம் என்று எச்சரிக்கை செய்யப்பட்டு உள்ளது. ராமநாதபுரம் மாவட்டத்தில் 10,000 உணவு வணிகர்களுக்கு மேல் உள்ளனர். கடந்த ஆண்டில் உணவுப்பொருட்கள் வியாபாரம் செய்பவர்களுக்கு 399 உரிமமும், 3,806 பதிவு சான்றிதழும் ராமநாதபுரம் உணவு பாதுகாப்பு துறையினரால் வழங்கப்பட்டுள்ளது.

கடும் நடவடிக்கை

ராமநாதபுரம் மாவட்டத்தில் இதுவரையிலும் கலப்பட உணவுப்பொருட்கள் அதாவது பாதுகாப்பற்ற, தரக்குறைவான உணவுப்பொருட்களை விற்பனை செய்த வியாபாரிகள் மீது 45 குற்றவியல் வழக்குகள் பதிவு செய்யப்பட்டு தண்டனையும் அபராதத்தொகையும் விதித்து கடும் நடவடிக்கை எடுக்கப்பட்டுஉள்ளது. மேலும், ரூ.4 லட்சத்து 42 ஆயிரம் அபராதமாக வசூலிக்கப்பட்டுஉள்ளது. பொதுமக்களும், நுகர்வோர்களும், உணவு விற்பனையாளர்களும், மாணவ–மாணவிகளும் தங்களது உணவுப் பொருட்கள் தொடர்பான புகார்களை வாட்ஸ்–அப் எண் 94440 42322–ல் தெரிவிக்கலாம். அவ்வாறு தெரிவிக்கப்படும் புகார்களுக்கு உடனடியாக உணவுப்பாதுகாப்பு துறையின் மூலமாக நடவடிக்கை எடுக்கப்பட்டு குறைகள் சரி செய்யப்படும். மாவட்டத்தில் உணவுபொருட்கள் வியாபாரிகள் உடனடியாக பதிவு மற்றும் உரிம சான்றிதழ் பெறாவிட்டால் சட்டப்பூர்வமாக கடும் நடவடிக்கை எடுக்கப்படும். இந்த தகவலை மாவட்ட கலெக்டர் நடராஜன் தெரிவித்துள்ளார்.