Archive

Archive for the ‘Tiruvannamalai’ Category

போலி டீத்தூள் ஆய்வு

21,May, 2019 Leave a comment

https://foodsafetynews.files.wordpress.com/2019/05/c0b92-3.jpg

உணவு பாதுகாப்பு அலுவலர்கள் அதிரடி

25,April, 2019 Leave a comment

https://foodsafetynews.files.wordpress.com/2019/04/1c04e-6.jpg

பிரசாத ஸ்டால்களில் ஆய்வு

16,November, 2018 Comments off

https://foodsafetynews.files.wordpress.com/2018/11/33fe3-3.jpg

புகையிலை குடோனுக்கு சீல்

21,September, 2018 Comments off

புகையிலை பொருட்கள் பறிமுதல்

11,July, 2018 Comments off

8

திருவண்ணாமலை அரசு மருத்துவக்கல்லூரி எதிரில் உணவு பாதுகாப்பு அதிகாரிகள் திடீர் சோதனை: அழுகிய பழங்களை கைப்பற்றி அழித்தனர்

5,June, 2018 Comments off

திருவண்ணாமலை கலெக்டர் கே.எஸ்.கந்தசாமி உத்தரவின்பேரில் மாவட்ட உணவு பாதுகாப்பு அலுவலர் செந்தில்குமார் தலைமையில் உணவு பாதுகாப்பு அலுவலர்கள் கலைஷ்குமார்(நகரம்), சுப்பிரமணி(வட்டாரம்) ஆகியோர் நேற்று திருவண்ணாமலை அரசு மருத்துவக்கல்லூரி மருத்துவமனை எதிரில் உள்ள பழக்கடைகள், ஓட்டல்கள், டீக்கடைகளில் திடீர் ஆய்வு மேற்கொண்டனர். அப்போது 5 கிலோ எடையுள்ள அழுகிய பழங்களை கைப்பற்றி அழித்தனர். அதேபோல அங்குள்ள ஓட்டல்களில் ஆய்வு மேற்கொண்டு தரமான உணவு, குடிநீர் வழங்கப்படுகிறதா? என பார்வையிட்டனர். அப்போது பொதுமக்களுக்கு சுத்தமான தண்ணீர் வழங்க வேண்டும் என்றும், சமையல் செய்யும் இடத்தை சுத்தமாக வைத்துக்கொள்ள வேண்டும் என்றும் அறிவுறுத்தினர்.
டீக்கடைகளில் கலப்பட டீத்தூள் பயன்படுத்தக்கூடாது, காலாவதியான உணவு திண்பண்டங்களை விற்பனை செய்யக்கூடாது என்றும் தெரிவித்தனர். இந்த திடீர் ஆய்வினால் அந்த பகுதியில் பரபரப்பு ஏற்பட்டது. திருவண்ணாமலை மாவட்டம் முழுவதும் கடைகள், ஓட்டல்கள், பழக்கடைகள், மாம்பழ மண்டிகளில் உணவு பாதுகாப்பு அதிகாரிகள் ஆய்வு செய்கின்றனர். இவ்வாறு ஆய்வு செய்யும் அதிகாரிகள் கலப்பட டீத்தூளில் டீ விற்பனை செய்பவருக்கோ, கார்பைட் கற்கள் மூலம் பழுக்க வைத்த மாம்பழம் விற்பனை செய்பவர் மீதோ நடவடிக்கை எடுப்பதில்லை. சாம்பிளுக்கு மாம்பழத்தையோ, டீத்தூளையோ எடுத்து சோதனைக்காக சென்னைக்கு அனுப்பி விடுகின்றனர். தவறு செய்பவர்களுக்கு ஸ்பாட் பைன் விதிக்க வேண்டும் என்பதே அனைத்து தரப்்பினரின் கோரிக்கையாகும்.

திருவண்ணாமலையில் சித்ரா பவுர்ணமியையொட்டி பேக்கரி, குளிர்பான கடைகளில் உணவு பாதுகாப்பு அதிகாரிகள் சோதனை

29,April, 2018 Comments off

திருவண்ணாமலை, ஏப்.29: திருவண்ணாமலையில் சித்ரா பவுர்ணமியையொட்டி பேக்கரி, குளிர்பான கடைகளில் நேற்று உணவு பாதுகாப்பு அதிகாரிகள் சோதனை நடத்தினர்.திருவண்ணாமலை கலெக்டர் கே.எஸ்.கந்தசாமி உத்தரவின்பேரில், மாவட்ட நியமன அலுவலரும், உணவு பாதுகாப்பு அலுவலருமான செந்தில்குமார் தலைமையில் உணவு பாதுகாப்பு அலுவலர்கள் கலைஷ்குமார், சுப்பிரமணியன் உட்பட 18 பேர் கொண்ட குழுவினர் திருவண்ணாமலையில் உள்ள அன்னதான கூடங்கள், பேக்கரி, குளிர்பான கடைகள், டீக்கடைகளில் நேற்று திடீர் சோதனை நடத்தினர். ஆய்வின்போது ₹25 ஆயிரம் மதிப்புள்ள காலாவதியான குளிர்பானங்கள், அழுகிய பழங்கள் கைப்பற்றப்பட்டு அழிக்கப்பட்டன.
இதுகுறித்து மாவட்ட நியமன அலுவலர் செந்தில்குமார் கூறியதாவது:திருவண்ணாமலையில் உள்ள உணவகங்கள், டீக்கடைகள், குளிர்பான கடைகள், பேக்கரிகளில் கடந்த 26ம் தேதி முதல் சோதனை நடத்தி வருகிறோம். உணவகங்களில் பிளாஸ்டிக் பயன்படுத்தக் கூடாது. சுத்தமான குடிநீர் வழங்க வேண்டும். டீக்கடைகளில் கலப்பட டீத்தூளை பயன்படுத்தக்கூடாது. அன்னதான கூடங்கள் சுத்தமாக வைத்திருக்க வேண்டும். காலாவதியான உணவு பொருட்களை யாரும் விற்பனை செய்யக்கூடாது. உணவு பொருட்களில் கண்டிப்பாக தயாரிப்பு தேதி, காலாவதியாகும் தேதி குறிப்பிட்டிருக்க வேண்டும். ஒருமுறை பயன்படுத்திய எண்ணெய்யை மறுமுறை பயன்படுத்தக்கூடாது.இந்த ஆய்வின்போது காலாவதியான பொருட்கள் கண்டுபிடிக்கப்பட்டால் உணவு தரச்சட்டத்தின்படி நடவடிக்கை எடுக்கப்படும். பொதுமக்கள் உணவு தரம் குறித்து 9444042322 என்ற நம்பருக்கு தெரிவிக்கலாம்.

கார்பைட் கல் மூலம் பழுத்த பழங்களை விற்றால் நடவடிக்கை அதிகாரி எச்சரிக்கை

23,April, 2018 Comments off

திருவண்ணாமலை மாவட்டத்தில் கடந்த சில நாட்களாக வெயில் வெளுத்து வாங்கி வருகிறது. இதனால் அவதிப்படும் பொதுமக்கள் பெரும்பாலும் பகல் நேரங்களில் வீட்டில் இருந்து வெளியே வருவதையே தவிர்த்து வருகின்றனர். பெண்கள் மற்றும் முதியவர்கள் கையில் குடையில்லாமல் வெளியில் வருவது இல்லை.

தற்போது கோடை விடுமுறை வேறு விடப்பட்டு உள்ளதால் குழந்தைகள் தங்கள் பெற்றோருடன் வெளியில் சென்று மகிழ்கின்றனர். பகல் நேரங்களில் வெளியில் செல்லும் போது வெயிலின் தாக்கத்தை தாங்க முடியாமல் பழச்சாறு கடைகளிலும், ஐஸ்கிரீம் கடைகளிலும் தஞ்சம் அடைந்து வருகின்றனர்.

இந்த நிலையில் நுகர்வோர்களுக்கு தரமான பழங்கள் மூலம் சாறு போட்டு கொடுக்க வேண்டும். சுத்தமான பாத்திரங்களை பயன்படுத்த வேண்டும். காலாவதியான பொருட்களை பயன்படுத்த கூடாது என்று பல்வேறு அறிவுரைகளை உணவு பாதுகாப்புத்துறை மாவட்ட நியமன அலுவலர் செந்தில்குமார் தெரிவித்துள்ளார்.

மேலும் அவர் கூறுகையில், “தற்போது வெயிலின் தாக்கத்தினால் அவதிப்படும் பொதுமக்கள் வெயில் சூட்டை உடலில் இருந்து குறைத்து கொள்ள பழங்களை சாப்பிடுகின்றனர். தற்போது மாம்பழம், சப்போட்டா போன்ற பழங்கள் எத்தியோப்பியன் என்ற ரசாயனம் மூலம் பழுக்க வைக்கப்பட்டு விற்பனை செய்யப்படுவதாக தகவல் வருகின்றன. மேலும் சில இடங்களில் கார்பைட் கல்லும் பயன்படுத்தப்படுவதாக புகார்கள் வருகின்றன.

இது குறித்து தொடர்ந்து உணவு பாதுகாப்புத்துறை அலுவலர்கள் மூலம் சோதனை செய்யப்பட்டு எத்தியோப்பியன் மற்றும் கார்பைட் கல் மூலம் பழுக்க வைக்கப்படும் பழங்கள் பறிமுதல் செய்யப்பட்டு அழிக்கப்பட்டு வருகிறது. இதன் மூலம் பழுக்க வைக்கப்படும் பழங்களால் நுகர்வோர்களுக்கு வயிற்று பிரச்சினைகள் ஏற்பட வாய்ப்பு உள்ளது. எனவே, வியாபாரிகள் எத்தியோப்பியன் மற்றும் கார்பைட் கல் மூலம் பழுக்க வைக்கப்பட்ட பழங்களை விற்பனை செய்வதை தவிர்க்க வேண்டும். சோதனையின் போது இது கண்டறியப்பட்டால் உணவு பாதுகாப்பு தரச்சட்டத்தின் படி நடவடிக்கை எடுக்கப்படும். மேலும் இதற்கு சுமார் ரூ.2 லட்சம் வரை அபராதம் விதிக்கப்படும்” என்றனர்.

திருவண்ணாமலை மாவட்டத்தில் வணிகர்கள் லைசென்ஸ் பெற விழிப்புணர்வு நோட்டீசு

9,January, 2018 Comments off

திருவண்ணாமலை, ஜன.8: திருவண்ணாமலை மாவட்டத்தில் உணவு வணிகர்கள் லைசென்ஸ் பெறுவது குறித்து உணவு பாதுகாப்பு துறை அலுவலர்கள விழிப்புணர்வு நோட்டீஸ்களை கடை, கடையாக வழங்கினர். நாடு முழுவதும் சாலையோர டிபன் கடைகள், சில்லி சிக்கன் கடைகள், காய்கறி, பழம் விற்பனை செய்பவர்கள் உள்பட பல்வேறு உணவு பொருள் விற்பனையாளர்கள் உணவு பாதுகாப்புத்துறையில் தங்களுடைய பெயரை பதிவு செய்தல் மற்றும் லைசென்ஸ் பெறுவது கட்டாயமாக்கப்பட்டுள்ளது.
கடந்த மாதம் உச்சநீதிமன்றம் அனைத்து உணவு பொருட்கள் விற்பனை செய்யும் உணவு வணிகர்களும் தங்களது கடைகளுக்கு கட்டாயம் லைசென்ஸ் பெற வேண்டும் என்று உத்தரவிட்டது. திருவண்ணாமலை மாவட்டத்தில் 17 ஆயிரத்து 420 கடைகள் உள்ளன. இதில் 4 ஆயிரத்து 336 கடை உரிமையாளர்கள் மட்டுமே லைசென்ஸ் பெற்றுள்ளனர். மற்ற கடைக்காரர்கள் இன்னும் லைசென்ஸ் பெறவில்லை.
இந்நிலையில் நேற்று முன்தினம் முதல் மாவட்ட நியமன அலுவலர் செந்தில்குமார் தலைமையில் உணவு பாதுகாப்பு துறை அலுவலர்கள் கலைஷ்குமார், சுப்பிரமணி ஆகியோர் கொண்ட குழுவினர் மாவட்டம் முழுவதும் கடை, கடையாக வணிகர்கள் லைசென்ஸ் பெறுவது குறித்து விழிப்புணர்வு நோட்டீசுகளை வழங்கி வருகின்றனர். இதுகுறித்து திருவண்ணாமலை மாவட்ட நியமன அலுவலர் செந்தில்குமார் கூறியதாவது:
திருவண்ணாமைலை மாவட்டத்தில் உள்ள வணிகர்கள் கட்டாயம் லைசென்ஸ் பெற வேண்டும். ஒவ்வொரு வட்டாரத்துக்கு உட்பட்ட பகுதியில் இருக்கும் உணவு பாதுகாப்பு அலுவலர்கள் தங்கள் பகுதியில் இருக்கும் கடைகள் லைசென்ஸ் பெற்றுள்ளனரா? என்பது குறித்து ஆய்வு நடத்தி வருகிறார்கள். லைசென்ஸ் பெற்ற விவரத்தை வணிகர்கள் தங்களது கடையில் பொதுமக்கள் பார்வையில் தெரியும்படி வைக்க வேண்டும். http://www.fssai.gov.in என்ற இணையதளம் மூலமாகவும் வணிகர்கள் தங்களது பணத்தை செலுத்தலாம். லைசென்ஸ் பெறாத வணிகர்கள் மீது உணவு பாதுகாப்பு தர நிர்ணய சட்டத்தின் படி நடவடிக்கை எடுக்கப்படும். இவ்வாறு அவர் கூறினார்.