Archive

Archive for the ‘Virudhunagar’ Category

கார்பைடு கல் வைத்து பழுக்க வைக்கப்பட்ட மாம்பழங்கள் விற்பனை

20,June, 2018 Comments off

https://foodsafetynews.files.wordpress.com/2018/06/a1598-2.jpg

உணவு பாதுகாப்பு அலுவலர் ஆய்வு; பொருட்கள் பறிமுதல் ‘தினமலர்’ செய்தி எதிரொலி

26,April, 2018 Comments off

அருப்புக்கோட்டை:’தினமலர்’ செய்தி எதிரொலியாக, அருப்புக்கோட்டை கடைகளில் ஆய்வு மேற்கொண்ட மாவட்ட உணவு பாதுகாப்பு அலுவலர், சுகாதார மற்ற பொருட்களை பறிமுதல் செய்தார்.
அருப்புக்கோட்டையில் சுகாதாரமற்ற முறையில் தின்பண்டங்களை திறந்த நிலையில், விற்பனை செய்வதாக, ‘ தினமலர்’ நாளிதழில் நேற்று செய்தி வெளியானது.
இதையடுத்து, விருதுநகர் மாவட்ட உணவு பாதுகாப்பு நியமன அலுவலர் அனுராதா தலைமையில், 10 உணவு பாதுகாப்பு அலுவலர்கள் அருப்புக்கோட்டையில் புதிய பஸ் ஸ்டாண்ட், திருச்சுழி ரோடு, விருதுநகர் ரோடு, மதுரை ரோடு உள்ளிட்ட பகுதி கடைகள், டீக்கடைகள், பேக்கரிகளில் ஆய்வு செய்தனர். தரமற்று விற்பனை செய்ய வைத்திருந்த 25 லிட்டர் குளிர்பானங்கள், லேபிள் இல்லாமல் வைக்கப்பட்டிருந்த 12 கிலோ பொருட்கள், கேப் இல்லாமல் வைக்கப்பட்டிருந்த எண்ணெய் டின்ககளை பறிமுதல் செய்தனர். திறந்தவெளியில் தின்பண்டங்களை விற்கும் கடைகாரர்களுக்கும் எச்சரிக்கை விடப்பட்டது. உரிமம் இல்லாது கடைகள் வைத்திருந்த கடைக்காரர்களுக்கு நோட்டீஸ் வழங்கப்பட்டது.

பதிவுப் பெற்ற நிறுவனங்களில் மட்டுமே இனிப்புப் பொருட்களை வாங்க வேண்டும் – உணவு பாதுகாப்பு துறை அறிவுரை.

13,October, 2017 Comments off

விருதுநகர்

விழாக் காலங்களில் பலகாரங்கள் வாங்கும்போது, உணவுப் பாதுகாப்பு துறையில் பதிவுப் பெற்ற நிறுவனங்களில் மட்டுமே வாங்க வேண்டும் என்று மாவட்ட உணவுப் பாதுகாப்பு நியமன அலுவலர் அனுராதா தெரிவித்தார். 

விருதுநகர் மாவட்ட உணவுப் பாதுகாப்பு நியமன அலுவலர் அனுராதா நேற்று செய்திக்குறிப்பு ஒன்றை வெளியிட்டார். அதில், “தற்போது விழாக்காலம் தொடங்கியுள்ளது. விழாக் காலத்தில் விதவிதமான இனிப்பு பலகாரங்கள், காரங்கள் மற்றும் கேக் போன்ற உணவுப் பொருள்களை மக்கள் விரும்பி வாங்குவர்.

தீபாவளிக்கு இனிப்பு மற்றும் கார பண்டங்களுக்கு சீட்டு நடத்துபவர்கள் உட்பட அனைத்து தயாரிப்பாளர்கள் மற்றும் விற்பனையாளர்களும் உணவுப் பாதுகாப்பு துறையில் பதிவு செய்து உரிமம் பெற வேண்டும்.

இனிப்பு மற்றும் பேக்கரி தயாரிப்பவர்கள் தரமான மூலப்பொருள்களைக் கொண்டு சுகாதாரமான முறையில் தயாரித்து வழங்க வேண்டும். கலப்பட பொருள்களையோ, அனுமதிக்கப்பட்ட அளவிற்கு அதிகமான நிறமிகளையோ உபயோகிக்கக் கூடாது.

பேக்கிங் செய்யப்பட்ட உணவுப் பொருள்களுக்கு, விவரச் சீட்டு வைத்து அதில் தயாரிப்பாளரின் முழுமுகவரி, உணவுப் பொருளின் பெயர்,  தயாரிக்கப்பட்ட, பேக்கிங் செய்யப்பட்ட தேதி, காலவதியாகும் காலம், சைவ மற்றும் அசைவ குறியீடு ஆகியவற்றை அவசியம் குறிப்பிட வேண்டும்.

மேலும், உணவுப் பொருள்களை ஈக்கள், பூச்சிகள் மற்றும் கிருமி தொற்று இல்லாத சுகாதாரமான சூழலில் மக்களுக்கு விற்பனை செய்ய வேண்டும்.

மக்களும் விழாக் காலங்களில் பலகாரங்கள் வாங்கும்போது, உணவுப் பாதுகாப்பு துறையில் பதிவுப் பெற்ற நிறுவனங்களில் மட்டும் வாங்க வேண்டும்.

இது தொடர்பாக புகார்கள் இருந்தால் விருதுநகர் மாவட்ட உணவுப் பாதுகாப்பு துறை நியமன அலுவலரிடமோ அல்லது மாநில உணவுப் பாதுகாப்பு துறை அலுவலகத்திற்கோ புகார் தெரிவிக்கலாம்” என்று அதில் குறிப்பிட்ட்டு இருந்தார்.

பட்டையை கிளப்பும் புகையிலை விற்பனை

20,August, 2017 Comments off

கண்காணிங்க சார்

18,July, 2017 Comments off

குளிர்பானம் குடிக்க போறிங்களா

7,July, 2017 Comments off

உத்தரவை மீறும் உணவகங்கள்

29,June, 2017 Comments off

கோவில்பட்டி நகரில் உள்ள கடைகளில் உணவு பாதுகாப்பு துறை அலுவலர்கள் சோதனை

23,March, 2017 Comments off

 

கோவில்பட்டி நகரில் உள்ள பழக்கடைகள், குளிர்பானங்கடைகள் மற்றும் பஸ்புட் உணவகங்களில் மாவட்ட உணவு பாதுகாப்பு நியமன அலுவலர் தங்கவிக்னேஷ் தலைமையில் உணவு பாதுகாப்பு அலுவலர்கள் கோவில்பட்டி நகரில் உள்ள பழக்கடைகள், குளிர்பானகடைகள் மற்றும் பஸ்புட் உணவகங்களில் தீடீரென சோதனை நடத்தினர். பழக்கடைகளில் கர்பைட் கல் வைத்து பழுக்க வைக்கப்பட்ட மாம்பழங்கள் உள்ளதா ? என்றும், குளிர்பானகடைகளில் விற்கப்படும் பழரசம் உள்ளிட்ட குளிர்பானத்தில் கழிவு பழங்கள் மற்றும் கெமிக்கல் பவுடர்கள் கலக்கப்பட்டுள்ளதா என்று ஆய்வு செய்தனர். மெயின் ரோட்டில் உள்ள ஒரு குளிர்பானக்கடையில் பழரசத்திற்கு வைக்கப்பட்டு இருந்த பப்பாளி பழத்தில் அதிக கெமிக்கல் இருப்பதை கண்டறித்து அவற்றை அழித்தனர். மேலும் நகரில் உள்ள துரித உணவு என்றழைக்கப்படும் பஸ்புட்கடைகளிலும் சோதனை நடத்தினர். அங்கு தயாரிக்கப்படும் உணவு பதர்த்தங்களின் தரம் குறித்து ஆய்வு நடத்தினர். இதன் பின்பு மாவட்ட உணவு பாதுகாப்பு நியமன அலுவலர் தங்க விக்னேஸ் செய்தியாளர்களிடம் கூறுகையில் தற்போது வெயில் காலம் என்பதால் அதிகளவு குளிர்பானங்கள் விற்பனையாகும், அவை தரமுள்ளவை என்பது குறித்து சோதனை நடத்தப்பட்டது. ரசயான பொடிகள் வைத்து பழங்கள் பழுக்க வைப்பது, குளிர்பானங்களுடன் ரசாயன பொடிகள் கலந்தால் கடும் நடவடிக்கை எடுக்கப்படும், ஹோட்டல்களில் செய்திதாள்களில் உணவு பெட்டலங்கள் கொடுப்பதை தவிர்க வேண்டும், மேலும் பிளாஸ்டிக் பயன்படுத்துவதை தவிர்த்து இலைகளை பயன்படுத்த வேண்டும் என்றார். இந்த ஆய்வின் போது உணவு பாதுகாப்பு துறை அலுவலர்கள் முருகேசன்,மாரிச்சாமி,பொன்ராஜ், சிவபாலன், செல்லப்பாண்டி ஆகியோர் உடனிருந்தனர்.

கடலை மாவில் கலப்படம் கடைக்காரருக்கு சிறை

22,February, 2017 Comments off